初初喺香港公園影蜻蜓，
突然有隻好大嘅野鳥空降落錦鯉池，
靜靜咁呆企好耐，
心諗Mug市區有咁大隻野鳥㗎咩...？？！
之後影小白鷺又見佢成日黐住
小白鷺...迫走埋霸佢企緊個位 >.<
最近到九龍公園逛下，原來到過咁多年都唔知有個水鳥池，
養住天鵝、鴛鴦、鴨、鶴呀咁，
因為係水鳥，個池係開頂嘅，
佢哋又飛嚟歎下咁囉... :D
就連遊南丫島，黑麻麻見到有雀喺海灘邊咪又影吓，
點知又係佢嚟!
原來市區真係有咁大隻野鳥！
仲可能唔少㖭！！
就係幾次都影到佢，先上網起下佢底...
啱啱先知佢高姓大名
夜鷺 Black-crowned Night Heron
網上都有好多佢哋豪吞嘅相...
我都要影.......
但之前都係遙見佢哋呆企同霸位，
咁係咪要呆抬住部機望住佢呆企呢??!
雖然影雀都少不免...
但夜鷺入定嘅功力真係好高下喎 TuT
 |
金鐘香港公園錦鯉池 |
 |
| 中環離島碼頭 |
 |
| 南丫島 |
 |
| 尖沙咀九龍公園 |
 | |
